Abt Eberhard und der Konvent von Bebenhausen beurkunden ihrerseits die Schenkungen, wie sie in der vorigen Urkunde bis et eas prescripto iure tenendas enthalten sind, und übernehmen dafür folgende Verpflichtungen: Nos vero abbas et conventus attendentes piam devotionem et spem spiritalis confidentie et fidelitatis pure, que predicta Ita ad nos et ad monasteirum nostrum adoptanter desiderat sibi et habet, ad participationem et sororem nostre confraternitatis et spiritalis defenssionis ac omnium bonorum, que divina bonitas in nostro monasterio in vigiliis ieiuniis orationibus missarum sollempnitatibus ac aliorum bonorum operum quorumcunque fieri permiserit, secundum statuta ordinis nostri tam vivam quam mortuam et specialiter ad sepulturam nostri monasterii recipimus per presentes. Promittimus insuper predicte Ide in domo nostra in Ezzelingen sita ante curiam nostram cum honesta familia feminei sexus et rebus suis libere cohabitandi omni iure ac si in alio loco resideret liberum arbitrium, quandocunque sibi visum fuerit expedire. Item bona mobilia vel immobilia, quecunque nobis commiserit, quamdiu vixerit eisdem uti debeat pro sua beneplacita voluntate ac eo iure prout haberet in sua propria potestate. Promittimus etiam Gerdrudi sorori carnali dicte Ide in conventu dominarum in Wilario commoranti viginti solidos Hallensium singulis annis in festo Martini de curia in Hewingen et begine dicte Berthe si usque ad mortem suam et post mortem in servitio suo casta permanserit unum modium siliginis de curia predicta et tempore predicto post obitum prefate Ide quamdiu vixerit finaliter presentare. Posito etiam, quod iam dicte Ide penuria et necessitas legittima paupertatis incumbere contingat, pro sua sustentatione honesta habenda possessiones suas vendere vel obligare cum nostro bono consensu potest pro sue libitu voluntatis. Potest insuper familie sibi servienti ac aliis pauperibus in decessu suo de vestibus suis lino filis pro suo beneplacito erogare. Zeugen: wie in der vorigen Urkunde; am Schluss der Reihe ist die Bezeichnung milites angefügt. Siegler Graf Eberhard von Württemberg und der Abt von Bebenhausen. Datum et actum in Nekkergruningen, anno domini MCCLXX nono, in vigilia Andre apostoli, indictione octava. Item notandum, quod predicta relicta de bonis omnibus prescriptis singulis annis unam libram cere predicto monasterio pro censu presentare tenetur. Nos vero abbas damus eidem relicte annuatim ad vitam suam de prescriptis bonis scilicet in Oswil, dimidio predio in Wabelingen et bonis omnibus suis in Kanstat et area in Athertingin in die Margarete I libram Hallensium, in nativitate Marie libram, in crastino animarum libram II modios siliginis II spelte et I avene.