Friedrich der Alte und Friedrich der Ritter, sein Sohn, von Gottes Gnaden Grafen von Zollern, verkaufen an Abt Eberhard und Konvent von Zwiefalten die Vogtei über des Klosters Dorf Ohnhülben (Hohinhuluwe) um 50 Pfund Heller. Siegler: Die Aussteller, Graf Heinrich von Veringen (Verigen) und die Städte Reutlingen (Ruteligen) und Mengen. Dirre kouf der vor gescribenun voctaie der beshach in der stat ze Ginnigen, an unserre frown sante Mariuu gotes mu{o}ter abent in dem herbest. Und gaben ou{o}ch uf den vor genanten herrun dem abbete und dem convente und dem closter Zvivultu{o}n die selbun voctaie uf dem velde zvisshen Hulfstetin und Tigrinvelt da nah an dem nahsten dunrstage, und waren ouch zu{o} dem selben koufe und dem selben ufgende ze geziugen beidinthalben genomen die erberen lute herre Cu{o}ne von Stophelen und Cu{o}nrat sin bru{o}der, Burchart von Melchigen, Arnolt sin bru{o}der, Berhtolt und Cu{o}n. von dem Stain, Eberhart von Egeligen, Johannes von Urach, Otto Chaibe, Ru{o}deger der alte Bondorfer und Eberhart sin sun, Eberhart der Wasmanger, Friderich von Witinhusen, Walter von Hornstain, und dar zu{o} die herren des selben closters Zvivultu{o}n, herre Cu{o}nrat der prior von Gundilvigen, herre Sviger von Wildenowe, herre Wern. der lupriester von Bach und bru{o}der Berhtolt der phister und dar zu{o} vil erberre lute. Dirre brief wart gegeben an sante Gallen tage, in [dem jar]e, do von unser s herren gotes geburtlichem tage waren tusent zwaihunder[t] azige und suben jar, in der stat [ze Rute]ligen.